Ang hulog ng langit ay biyaya.

Wag lang ipot ang mahulog sayo.

Sa kasagingan, may saging. Sa katarantaduhan, may tarantado.

Sa kaharian, may hari. Sa kalingkingan, may lingking ?

Pag may marumi, baligtarin para maitago.

Pwera lang kung binaligtad mo na dati.

Ang sa baboy ay sa baboy, ang sa unggoy ay sa unggoy.

Pero may mga taong sadyang napagsasama pagiging unggoy at baboy. Ang tawag dun, babunggoy.

Mahihirapan kang bumulong

...pag masmalakas pa boses mo sa mic.

Ang maglakad ng matulin

... jogger o may matinding pangangailangan pumunta sa banyo.

Gutom pa ang mararamdaman mo

...kung relyenong dilis ang kinain mo.

Kung ang nanay mo ay kabayo at tatay mo ay elepante

...hindi ko alam kung paano ka nakakatype sa keyboard at nakakasurf pa.

Pwede mo piliin ang aalagaan mong hayop.

Pero matakot ka pag pwede kang piliin ng hayop na maging amo.

Pag binato ka ng tinapay

... sabihin mo isunod ang palaman.

Hindi halata pinapawisan ka

...pag nauulanan ka habang lumalangoy.

Paano mo haharapin ang problema

...kung ang problema ay ang iyong mukha.

Masmaganda pa ang fortune cookie na may masamang fortune.

Keysa sa fortune cookie na walang papel man lang... dahil parang wala kang ka fortune-fortune.

Sa baraha, pula at itim. Sa sabong, sa pula o puti. Sa ngipin, puti o dilaw.

Wala lang. Makulay ang buhay.

Wag kainin ang siomai sa isang subo lang

...pwera lang kung marami pang siomai natitira.

Pag kumukurap-kurap na, malapit na mapundido.

Kaya mahirap malaman kung malapit na mapundido ang Christmas lights.

Sa group pic, sadyang mahirap ngumiti

... pag ambaho baho ng katabi.

Ang turnilyo ay parang buhay

...umiikot ngunit minsan nalalaglag, natatapakan, nawawawala at kinakalawang.

Ang apples at oranges, tubig at langis,

...ay pwede magsama sama pag salad.

Kalat mo, iligpit mo.

...para pwedeng ikalat ulit.

Mahirap saluhin ang papel

...na palipad-lipad pababa mula sa penthouse ng hotel.

Kung ano ang saluhin, yun ang mapapasaiyo.

Kung lapida ang sinalo, derechong libing ang bagsak mo.

Magsalita ng mabagal

...mashalata ang pagkabulol.